It-tim ta’ Juventus Women qiegħed indirizzat fit-triq it-tajba sabiex jirbaħ il-kampjonat tas-Serie A fid-debutt tiegħu.

Madankollu, it-tim immexxi minn Rita Guarino diġà qiegħed jevalwa xi opzjonijiet kemm immedjati u kemm anke b’ħarsa għall-istaġun li ġej sabiex l-iskwadra tissaħħaħ.

Bħalissa, it-tim ta’ Juventus qiegħed jilqa’ lill-attakkanta Ingliża Lianne Sanderson fejn qiegħda tittrenja ġewwa Vinovo, b’ċans li tingħata prova.

Sanderson, 30 sena, hija attakkanta u għandha esperjenza vasta fl-ogħla livelli hekk kif lagħbet ma’ timijiet bħal Arsenal u Chelsea, u anke 50 darba mat-tim nazzjonali Ingliż.

Fatt kurjuż fuq Sanderson huwa li waqt l-esperjenza li kellha mat-tim Ċiprijott ta’ Apollon Limassol, hija kienet fl-istess skwadra ma’ Rachel Cuschieri, meqjusa fost l-aqwa talenti Maltin fil-futbol tan-nisa u li bħalissa qiegħda tilgħab ma’ Anderlecht fil-Belġju.

Tixtieq li r-riklam tiegħek jidher fuq kull artiklu ta’ dan is-sit, kif ukoll fuq il-pjattaformi kollha tal-klabb? Tista’ tappoġġja lill-klabb permezz ta’ sponsor jew titlob iżjed informazzjoni billi tagħmel kuntatt magħna fuq marketing@juventusmalta.com.

Tixtieq tkun kontributur tas-sit juventusmalta.com u tibda tikteb l-artikli magħna? Agħmel kuntatt fuq info@juventusmalta.com