Fl-ewwel logħba minn grupp E, l-Irlanda tilfu ċans li jibdew b’rebħa hekk kif Clark żbalja bl-ikrah billi skurja fil-lasta l-ħażina u ma’ tmiem il-partita deher id-diżappunt fuq wiċċu. Madankollu l-prestazzjoni tal-Irlanda kienet waħda pożittiva.

Kien Hoolahan li ħasad lill-Iżvediżi ta’ Zlatan, meta kross mill-plejer ta’ Everton Coleman, jasal f’saqajn Hoolahan li jfaqqa fuq il-lemin ta’ Isakkson. Logħba tajba ħafna għall-Irlandiżi u grinta kontinwa anke kif daħal il-veteran Robbie Keane.