Spanja bdew il-mixja tagħhom lejn il-finali tal-Euro 2016, b’rebħa minima fl-aħħar minuti tal-partita b’gowl ta’ Pique b’daqqa ta’ ras minn kross ta’ Andres Iniesta.

Andres Iniesta niżżel ismu b’assist pinġut fuq ras Pique, hekk kif beda jidher li l-iskor kien se jibqa’ bla gowls. Importanti ngħidu l-impatt li kellu Iniesta fuq il-logħba, hekk kif f’90 minuta, baqa’ javvanza u jmexxi l-midfield Spanjol. Veteran bħal Iniesta tieħu gost tarah jilgħab u jmexxi t-tim Spanjol fuq spalltu.