Il-midfielder ta’ Juventus Stefano Sturaro qed jinteressa lil numru ta’ klabbs, kemm fl-Italja kif ukoll barranin.

Madankollu, l-aġent Carlo Volpi ddikjara li għall-plejer, il-prijorità hi li jibqa’ f’Turin ma’ Juventus.

“Is-suq tat-trasferimenti għadu lanqas biss fetaħ, imma Stefano hu Juventin. Illum il-ġurnata Juventus saret id-dar tiegħu. Igawdi mill-istima ta’ Allegri u d-diriġenti u għalih il-prijorità hi li jibqa’,” iddikjara Volpi.

Madankollu, kompla li s-suq tat-trasferimenti jibqa’ s-suq tat-trasferimenti, u għalhekk wieħed diffiċli jipprevedi x’se jiġri.

Sors: Zona Calcio

Il-klabb qed jaħseb fi proġetti li jistgħu jagħtu prominenza nazzjonali lil dawk li jipparteċipaw fihom. Għalhekk, jekk tixtieq tappoġġja lill-klabb permezz ta’ sponsor, agħmel kuntatt magħna fuq info@juventusmalta.com.

Tixtieq tkun kontributur tas-sit juventusmalta.com u tibda tikteb l-artikli magħna? Agħmel kuntatt fuq admin@juventusmalta.com