Ġurnata ma tintesa qatt għall-Juventini, meta ġriet aħbar mad-dinja kollha li Gaetano Scirea kellu inċident fatali fil-Polonja.

Scirea ma jintesa qatt fid-dinja tal-futbol. Huwa wieħed mill-5 plejers fid-dinja li rebaħ kull trofew internazzjonali possibbli u wieħed mid-9 plejers li rebaħ iċ-Champions League, Cup Winners Cup u l-Uefa Cup. Ta’ min isemmi wkoll li Scirea qatt ma kien tkeċċa darba fil-karriera tiegħu kalċistika.

Huwa kien brillanti teknikament u tattikament, b’ħafna aġilità u veloċità, b’viżjoni tal-ballun u anke abbiltà brillanti ħafna fil-passing, karatteristiċi perfetti għall-irwol ta’ libero, Huwa lagħab 377 partita ma’ Juventus u skurja 24 gowl.