L-attakkant ta’ Southampton Manolo Gabbiadini esprima l-opinjoni tiegħu fuq il-logħbiet tal-fażi tal-aħħar 16 fejn Juventus ikkwalifikaw kontra t-tim ta’ Porto filwaqt li t-tim Taljan l-ieħor ta’ Napoli ġew eliminati kontra Real Madrid. Huwa tkellem fuq it-tim li se jkun qed iżomm miegħu fil-kwartifinali.

“Għalkemm qed nilgħab fl-Ingilterra xorta waħda għadni nsegwi l-futbol Taljan. Bla dubju se nkun qed nissapportja lil Juventus fiċ-Champions League għax huma l-unika tim li qed jirrappreżentaw lill-Italja. Jien Taljan u min hu bħali u jħobb il-futbol jixtieq li jara l-futbol Taljan javvanza u għalhekk nixtieq li Juventus imorru tajjeb kemm jistgħu f’din il-kompetizzjoni.”

Sors: Football Italia

Il-klabb qed jaħseb fi proġetti li jistgħu jagħtu prominenza nazzjonali lil dawk li jipparteċipaw fihom. Għalhekk, jekk tixtieq tappoġġja lill-klabb permezz ta’ sponsor, agħmel kuntatt magħna fuq info@juventusmalta.com.

Tixtieq tkun kontributur tas-sit juventusmalta.com u tibda tikteb l-artikli magħna? Agħmel kuntatt fuq admin@juventusmalta.com