Il-ġurnal Ingliż The Sun iddeskriva lil Inter bħala l-agħar klabb fl-istorja għal dak li għandu x’jaqsam mal-bejgħ tal-plejers.

FIlwaqt li tagħti ħarsa lejn l-istorja tal-klabb The Sun tagħti wkoll il-lista ta’ plejers li nbiegħu mill-klabb bix-xejn, biex spiċċaw stilel ta’ klabbs oħra.

Fost dawn insibu lil Matthias Sammer, li ma qabadx tarf tal-ħajja fl-Italja iżda nbiegħ lil Borussia Dortmund fejn rebaħ iċ-Champions League, l-Euro tal-1996 mal-Ġermanja u l-Ballon d’Or.

Jissemmew ukoll Dennis Bergkamp (li llum il-ġurnata saħansitra għandu statwa ddedikata għalih barra l-Emirates Stadium), Roberto Carlos li wara staġun biss ingħaqad ma’ Real Madrid (fejn rebaħ erba’ edizzjonijiet tal-La Liga, tliet Champions League u l-World Cup tal-2002 mal-Brażil) u Andrea Pirlo (li ngħaqad ma’ Milan u wara Juventus biex rebaħ total ta’ żewġ edizzjonijiet taċ-Champions League u ħames darbiet is-Serie A).

Plejers oħra msemmija huma Clarence Seedorf (rebbieħ għal darbtejn taċ-Champions League wara li ħalla lil Inter), Leonardo Bonucci (li nbiegħ għal inqas minn €3 miljun u llum hu punt fiss tad-difiża ta’ Allegri) u Philippe Coutinho (meqjus wieħed mill-aqwa fil-Premier League u jista’ jingħaqad ma’ Barcelona).

Sors: The Sun

Il-klabb qed jaħseb fi proġetti li jistgħu jagħtu prominenza nazzjonali lil dawk li jipparteċipaw fihom. Għalhekk, jekk tixtieq tappoġġja lill-klabb permezz ta’ sponsor, agħmel kuntatt magħna fuq info@juventusmalta.com.

Tixtieq tkun kontributur tas-sit juventusmalta.com u tibda tikteb l-artikli magħna? Agħmel kuntatt fuq admin@juventusmalta.com