L-attur u reġista Carlo Verdone, li hu partitarju ta’ Roma, qal li jrid iseħħ biss super miraklu biex Roma jirbħu l-kampjonat ta’ din is-sena.

“Inżomm saqajja mal-art. Juventus hu bastiment tal-gwerra, b’żewġ skwadri: waħda fil-grawnd u l-oħra magħmula mis-sostituti. Sa mis-suq tat-trasferimenti indunajna li Juventus kienu se jirbħu l-kampjonat,” iddikjara Verdone.

Kompla li Roma ma jistgħux jibqgħu jgħixu fl-illużjoni. “Irridu niġġieldu għat-tieni post. Irid ikun biss super miraklu li jbiddel il-mod kif sejrin l-affarijiet. Huma jridu jitilfu, imma ma jitiflu qatt b’Dybala, Higuaín u dik id-difiża b’saħħitha. M’hemmx storja.”

Sors: Italia nel Pallone

Il-klabb qed jaħseb fi proġetti li jistgħu jagħtu prominenza nazzjonali lil dawk li jipparteċipaw fihom. Għalhekk, jekk tixtieq tappoġġja lill-klabb permezz ta’ sponsor, agħmel kuntatt magħna fuq info@juventusmalta.com.

Tixtieq tkun kontributur tas-sit juventusmalta.com u tibda tikteb l-artikli magħna? Agħmel kuntatt fuq admin@juventusmalta.com