Jidher li hemm kollox lest għat-trasferiment ta’ Rolando Mandragora b’self minn Juventus għal għand Crotone.

L-operazzjoni ingħalqet ilbieraħ, l-4 t’Awissu meta d-Direttur Ġenerali ta’ Crotone, Raffaele Vrenna, laħaq ftehim kemm ma’ Juventus kif ukoll mal-plejer imsemmi. Illum huma mistennija l-firem biex Mandragora jsir plejer ta’ Crotone.

Sadanittant, futur inqas ċert għal Mario Lemina. West Ham u Stoke City jidhru serjament interessati fil-Gaboniż u għalhekk jista’ jkun li wara l-wasla tiegħu fis-sajf tal-2015, Lemina se jħalli l-Italja biex jittanta xortih fil-Premier League.

Għaldaqstant, filwaqt li jidher probabbli t-tluq tiegħu minn mal-Bianconeri, għad trid tkun identifikata d-destinazzjoni tiegħu.

Sors: Gianluca di Marzio

Il-klabb qed jaħseb fi proġetti li jistgħu jagħtu prominenza nazzjonali lil dawk li jipparteċipaw fihom. Għalhekk, jekk tixtieq tappoġġja lill-klabb permezz ta’ sponsor, agħmel kuntatt magħna fuq info@juventusmalta.com.

Tixtieq tkun kontributur tas-sit juventusmalta.com u tibda tikteb l-artikli magħna? Agħmel kuntatt fuq admin@juventusmalta.com