Il-midja Ingliża qed tiħodha qatta bla ħabel kontra l-eks kowċ ta’ Juventus Antonio Conte. Bla dubju, ir-raġuni hi l-ħafna deċiżjonijiet strambi li qed jieħu u l-affarjiet li qed jiġru internament fid-dar taċ-Champions tal-Ingilterra.
Wara staġun infallibli, Conte sab l-ewwel diżgwid tiegħu ma’ Diego Costa fejn dan spiċċa anke jitkellem mal-pubbliku fuq l-ostilità li hemm bejnu u bejn l-kowċ. Diego Costa ta’ min jgħid li kien pedina importanti fir-rebħ tal-kampjonat tal-Blues.
Flimkien miegħu kien hemm Matic u Hazard. Matic li issa ssieħeb ma’ Manchester United. Trasferiment li ma niżel xejn tajjeb mal-opinjonisti Ingliżi kif ukoll ma’ ħafna sapporters speċjalment meta lkoll qalu li plejer bħal Matic kellu jibqa’ wara staġun tajjeb ħafna flimkien ma’ Kante. Ma ninsewx ukoll il-winger Hazard, li taħt Conte reġa’ sab il-forma tiegħu speċjalment wara staġun deludenti meta kien hemm Mourinho fit-tmexxija tal-klabb. Hazard ukoll qed jissemma li jitlaq, b’timijiet bħal Barcelona u Real interessati fih ħafna.
Mistoqsija ukoll ir-raġuni għala Courtois ġie preferut fuq ċertu plejers offensivi wara li hu falla penalty fit-telfa tal-Community Shield l-weekend li għadda. Ċertu gazzetti anke ħargu b’titli fejn jistaqsu r-raġuni wara din il-mossa
U finalment tibqa’ d-dilemma u l-kritika tal-istess kowċ fil-konfront tad-diriġenza minħabba l-politiki li ttieħdu rigward il-mercato, simili għal li nqala’ ma’ Juventus bid-differenza li Chelsea għandha iktar riżorsi ekonomiċi għat-trasferimenti mill-Juventus, u dan rajnih bit-trasferimenti ta’ Morata, Bakayoko u Rudiger.
U aktar kmieni dil-ġimgħa, l-eks difensur ta’ Liverpool u opinjonista Carragher stqarr li għandu dubju kemm Conte ħa jagħmel 12-il xahar ieħor fir-riedni ta’ Chelsea.
Il-klabb qed jaħseb fi proġetti li jistgħu jagħtu prominenza nazzjonali lil dawk li jipparteċipaw fihom. Għalhekk, jekk tixtieq tappoġġja lill-klabb permezz ta’ sponsor, agħmel kuntatt magħna fuq info@juventusmalta.com.
Tixtieq tkun kontributur tas-sit juventusmalta.com u tibda tikteb l-artikli magħna? Agħmel kuntatt fuq admin@juventusmalta.com
