Waqt il-programm La Domenica Sportiva, sar konfront bejn id-Direttur Sportiv ta’ Juventus Beppe Marotta, li kien mistieden fl-istudio, u l-eks difensur ta’ Juventus Leonardo Bonucci, li ngħaqad magħhom b’kollegament telefoniku.
Leonardo Bonucci ddikjara li “teżisti relazzjoni tajba ma’ Beppe Marotta. Dejjem kien hemm disponibbiltà massima u l-affarijiet dejjem kienu ċari matul l-esperjenza tiegħi ma’ Juventus.”
Iżda fl-istess waqt iddikjara: “Parti mill-karriera tiegħi ngħalqet minħabba affarijiet li ma jkunx daqshekk ġust u ta’ ġentlom li wieħed jirrepeti b’mod dirett fuq it-televiżjoni. Hemm affarijiet li wieħed għandu jgħidhom fil-privat.”
Madankollu kompla billi qal li hu m’għandux problemi ma’ Juventus jew ma’ Beppe Marotta anzi rringrazzja lil Juventus. “Grazzi għal Juventus sirt plejer ammirat u hu grazzi għalihom ukoll li fl-aħħar jiem tniżżilt parti mill-Aqwa 11 tal-UEFA.”
Temm jgħid li “l-passat issa magħluq. Dak li ġara kien konsegwenza diretta ta’ dak li seħħ imma m’għandix aptit li nirrepeti dak li ġara. Kemm jien u s-soċjetà sibna d-disponibbiltà ta’ xulxin.”
Sors: La Domenica Sportiva
Il-klabb qed jaħseb fi proġetti li jistgħu jagħtu prominenza nazzjonali lil dawk li jipparteċipaw fihom. Għalhekk, jekk tixtieq tappoġġja lill-klabb permezz ta’ sponsor, agħmel kuntatt magħna fuq info@juventusmalta.com.
Tixtieq tkun kontributur tas-sit juventusmalta.com u tibda tikteb l-artikli magħna? Agħmel kuntatt fuq admin@juventusmalta.com
