Id-difensur Leonardo Bonucci jibqa’ ma jaqbadx art ma’ Milan u jkomplu l-attakki minn kull naħa.

Issa kien imiss ukoll lill-eks kowċ ta’ Milan stess, Fabio Capello, li jikkritika lill-eks plejer ta’ Juventus.

“Meta jkollu l-ballun f’saqajh ikun l-aqwa difensur fl-Italja u mal-aqwa fid-dinja. Imma ma jafx jiddefendi. Għandu problemi kbar. L-ideali kien meta kien għadu ma’ Juventus, fejn kien liberu. Kien ambjent perfett għalih f’difiża bi tlieta. Imma li jilgħab f’difiża b’erbgħa għalih hu diffiċli,” iddikjara Capello lil Sky Sport Italia.

Minkejja l-prestazzjonijiet tiegħu, Bonucci lagħab f’16 minn 18-il logħba ta’ Milan fis-Serie A.

Sors: Sky Sport Italia

Tixtieq li r-riklam tiegħek jidher fuq kull artiklu ta’ dan is-sit, kif ukoll fuq il-pjattaformi kollha tal-klabb? Tista’ tappoġġja lill-klabb permezz ta’ sponsor jew titlob iżjed informazzjoni billi tagħmel kuntatt magħna fuq info@juventusmalta.com.

Tixtieq tkun kontributur tas-sit juventusmalta.com u tibda tikteb l-artikli magħna? Agħmel kuntatt fuq admin@juventusmalta.com