Il-kuntratt preżenti ta’ Sami Khedira ma’ Juventus jiskadi f’Ġunju tas-sena d-dieħla iżda Juventus jistgħu joffru kuntratt ġdid lill-internazzjonali Ġermaniż biex ixejnu għalkollox l-interess ta’ xi klabbs fl-istess plejer.

Fl-istaġun li għadda Khedira kien wieħed mill-plejers protagonisti fit-tim ta’ Massimiliano Allegri hekk kif skurja disa’ gowls u pprovda ħames assists.

Kien maħsub li l-wasla ta’ Emre Can se tkun influwenti biex Khedira jħalli lil Juventus iżda d-diriġenti Juventini m’għandhomx dak il-ħsieb u mistennija joffrulu kuntratt ġdid.

Sors: Tuttosport

Tixtieq li r-riklam tiegħek jidher fuq kull artiklu ta’ dan is-sit, kif ukoll fuq il-pjattaformi kollha tal-klabb? Tista’ tappoġġja lill-klabb permezz ta’ sponsor jew titlob iżjed informazzjoni billi tagħmel kuntatt magħna fuq marketing@juventusmalta.com.

Tixtieq tkun kontributur tas-sit juventusmalta.com u tibda tikteb l-artikli magħna? Agħmel kuntatt fuq info@juventusmalta.com