Id-diriġenti Juventini preżentement qegħdin jevalwaw is-sitwazzjoni tal-injuries li qed jolqtu lil Benedikt Höwedes. Dan il-fattur jista’ jwassal biex Juventus ma jiffirmawx b’mod permanenti lil dan il-plejer u jerġa’ jirritorna lura ma’ Schalke 04.

L-internazzjonali Ġermaniż jinsab b’self mal-Bianconeri iżda dawn tal-aħħar għandhom l-obbligu li jiffirmaw lil Höwedes jekk l-istess plejer jagħmel 25 apparenza f’logħbiet kompetittivi. Juventus qegħdin isegwu s-sitwazzjoni tal-plejer u jidher li jekk l-injuries se jibqgħu jħabbtu lil Höwedes, Juventus mhux se jkunu qegħdin iżommuh.

Juventus jidher li diġà qegħdin ifittxu alternattivi oħra fosthom il-plejer ta’ Lazio Stefan de Vrij li għadu ma ffirmax kuntratt ġdid mat-tim tiegħu. Il-kuntratt ma’ Lazio tal-plejer Olandiż jiskadi f’Ġunju li ġej.

Sors: Mediaset Premium

Il-klabb qed jaħseb fi proġetti li jistgħu jagħtu prominenza nazzjonali lil dawk li jipparteċipaw fihom. Għalhekk, jekk tixtieq tappoġġja lill-klabb permezz ta’ sponsor, agħmel kuntatt magħna fuq info@juventusmalta.com.

Tixtieq tkun kontributur tas-sit juventusmalta.com u tibda tikteb l-artikli magħna? Agħmel kuntatt fuq admin@juventusmalta.com