L-aġent ta’ Gianluigi Buffon, Silvano Martina sostna li fl-2001 kien hemm ftehim bejn Parma u Barcelona iżda huwa għażel lil Juventus. Buffon kien issieħeb lil Juventus mingħand Parma għas-somma ta’ 32 miljun ewro minkejja li kellu l-opportunità li jilgħab mal-Blaugrana.

“Iva, nista’ nikkonferma li konna viċin li nilħqu ftehim ma’ Barcelona. Kien diġà hemm ftehim bejn Parma u Barcelona iżda Buffon għazel lil Juventus.”

Martina tkellem ukoll dwar il-possibbiltà li Buffon jirtira wara l-World Cup tal-2018.

“Meta jasal il-mument opportun żgur li se jiddeċiedi li jirtira. Hemm ħafna logħbiet li jwettaq ħafna saves strumentali u hemm logħbiet ukoll li jagħmel inqas però f’kull logħba jkun dejjem iffukat. Apparti s-saves li jwettaq, il-karattru kariżmatiku tiegħu jagħtik ċertu sigurtà.”

Sors: TuttoJuve

Il-klabb qed jaħseb fi proġetti li jistgħu jagħtu prominenza nazzjonali lil dawk li jipparteċipaw fihom. Għalhekk, jekk tixtieq tappoġġja lill-klabb permezz ta’ sponsor, agħmel kuntatt magħna fuq info@juventusmalta.com.

Tixtieq tkun kontributur tas-sit juventusmalta.com u tibda tikteb l-artikli magħna? Agħmel kuntatt fuq admin@juventusmalta.com