Il-ġganti ta’ Real Madrid daħlu fit-tiġrija mat-tim ta’ Chelsea biex jiffirmaw lid-difensur xellugi ta’ Juventus Alex Sandro. Dan tal-aħħar kien ġie akkwistat minn Juventus f’Awwissu tal-2015 mingħand Porto għas-somma ta’ €26 miljun.

Sorsi fi Spanja qegħdin isostnu li Real Madrid huma lesti li jagħmlu offerta uffiċjali għall-Brażiljan għaliex huma determinati li jsaħħu n-naħa xellugija tagħhom. Alex Sandro huwa parti integrali mit-tim Juventin u d-diriġenti tal-Bianconeri mhumiex lesti li jiddiskutu ma’ ebda tim jekk ma tasalx offerta inqas minn €45 miljun.

Sors: Football Italia

Il-klabb qed jaħseb fi proġetti li jistgħu jagħtu prominenza nazzjonali lil dawk li jipparteċipaw fihom. Għalhekk, jekk tixtieq tappoġġja lill-klabb permezz ta’ sponsor, agħmel kuntatt magħna fuq info@juventusmalta.com.

Tixtieq tkun kontributur tas-sit juventusmalta.com u tibda tikteb l-artikli magħna? Agħmel kuntatt fuq admin@juventusmalta.com