Ir-rebħa ta’ Real Madrid fuq Barcelona mis-Supercoppa Spanjola, li tintlagħab fuq żewġ rawnds, jaf tfisser ukoll sospensjoni fit-tul għal Cristiano Ronaldo.

Wara li daħal fit-58 minuta bħala sostitut ta’ Karim Benzema, Ronaldo neża’ l-flokk b’ċelebrazzjoni tal-gowl tat-2-1 u żewġ minuti biss wara, qala’ t-tieni safra wara simulazzjoni.

Iżda Ronaldo kompla jgħaxxaqha meta malli ntwera l-ħamra, hu mbutta lir-referee. Ir-regolamenti jgħidu li attitudni simili twassal għal minimu ta’ erba’ logħbiet sospensjoni u sa maxximu ta’ 12-il ġurnata.

Sors: ANSA

Il-klabb qed jaħseb fi proġetti li jistgħu jagħtu prominenza nazzjonali lil dawk li jipparteċipaw fihom. Għalhekk, jekk tixtieq tappoġġja lill-klabb permezz ta’ sponsor, agħmel kuntatt magħna fuq info@juventusmalta.com.

Tixtieq tkun kontributur tas-sit juventusmalta.com u tibda tikteb l-artikli magħna? Agħmel kuntatt fuq admin@juventusmalta.com