Ftit tal-ħin ilu Real Madrid komplew il-kampanja tal-flokkijiet li se jilbsu l-plejers matul l-istaġun li jmiss, 2018/19.

Iżda l-aqwa plejer fl-iskwadra u l-iktar plejer li jinbiegħu flokkijiet tiegħu, l-attakkant Portugiż Cristiano Ronaldo, hu nieqes mil-lista ta’ plejers li ntużaw biex isir ir-riklamar. Fis-sit tal-klabb, fis-sezzjoni fejn wieħed jista’ jakkwista flokk bl-isem tal-plejer, Ronaldo hu l-uniku li mhux rappreżentat bil-figura tiegħu iżda biss bi flokk b’ismu.

Dan qed jitqies bħala l-aħħar minn sensiela ta’ messaġġi li Cristiano Ronaldo verament se jħalli lil Real Madrid, għalkemm ma jfissirx neċessarjament li se jingħaqad ma’ Juventus.

Messaġġ ieħor li jasal fil-jum li fih hu rrappurtat li se ssir laqgħa bejn il-President Florentino Perez u l-aġent Jorge Mendes, fejn allegatament se jitfassal pjan kif il-plejer iħabbar li se jħalli lill-Merengues.

Tixtieq li r-riklam tiegħek jidher fuq kull artiklu ta’ dan is-sit, kif ukoll fuq il-pjattaformi kollha tal-klabb? Tista’ tappoġġja lill-klabb permezz ta’ sponsor jew titlob iżjed informazzjoni billi tagħmel kuntatt magħna fuq marketing@juventusmalta.com.

Tixtieq tkun kontributur tas-sit juventusmalta.com u tibda tikteb l-artikli magħna? Agħmel kuntatt fuq info@juventusmalta.com