Staġun 1995-96. Id-data tat-22 ta’ Mejju 1996 hija marbuta ma’ waħda mill-iktar rebħiet importanti fl-istorja ta’ Juventus.

Ċertament li r-rebħ tal-ewwel Tazza taċ-Champions kontra Liverpool fl-istaġun 1984-85 hija rebħa li tħalli memorji xejn sbieħ. Dan minħabba l-inċidenti li kienu ġraw qabel il-logħba fl-istadium Heysel ta’ Brussell, li kienu wasslu għall-mewt ta’ numru kbir ta’ partitarji Juventini.

Il-logħba kontra Ajax kienet tagħti l-possibbiltà lill-Bianconeri biex ipattu għat-telfiet li kellhom f’finali tal-passat mill-istess tazza kontra Hamburg (1983) u l-istess Ajax (1973), kif ukoll li ttaffi ftit mill-memorji koroh li kienet ħalliet il-logħba ta’ Heysel.

Insegwu filmat estensiv tal-aħjar azzjonijiet mil-logħba ta’ bħal-lum, għoxrin sena.