Fil-partita bejn PSG u Lyon mill-Kampjonat Franċiż li ntlagħbet il-Ħadd, inqala’ argument bejn Edinson Cavani u l-Brażiljan Neymar.
Dan l-argument inqala’ minħabba li PSG ingħataw free-kick ftit metri minn barra l-kaxxa u meta Cavani kien se jaqbad il-ballun biex jagħti dan il-freekick, kien pront mar Dani Alves u l-ballun żammu f’idejh li minkejja kien hemm attentat minn Cavani biex jieħu l-ballun, l-eks plejer Juventin irrifjuta għax xtaq li dan il-freekick jiġi mogħti mill-kompatrijott tiegħu Neymar.
Fid-79 minuta PSG ingħataw penalty u minkejja li normalment jinkariga ruħu minnhom Cavani, Neymar ipprova jieħu dan l-inkarigu hu iżda din id-darba Cavani ma ċediehx u sfortunatament ra l-penalty tiegħu jiġi salvat. L-istorja ma waqfitx hemm għaliex ftit wara l-partita Neymar għamel ‘unfollow’ lil Cavani fuq Instagram.
Tista’ ssegwi l-filmat tal-argument hawnhekk:
Il-klabb qed jaħseb fi proġetti li jistgħu jagħtu prominenza nazzjonali lil dawk li jipparteċipaw fihom. Għalhekk, jekk tixtieq tappoġġja lill-klabb permezz ta’ sponsor, agħmel kuntatt magħna fuq info@juventusmalta.com.
Tixtieq tkun kontributur tas-sit juventusmalta.com u tibda tikteb l-artikli magħna? Agħmel kuntatt fuq admin@juventusmalta.com
