Wara li Real Madrid poġġew lil Danilo fis-suq tat-trasferimenti, waslet il-konferma wkoll mill-partitarji tagħhom. Fil-fatt, fi stħarriġ mill-gazzetta Spanjola Marca, 63% minn 35,000 votant qablu li Real ibigħu lil Danilo lil Juventus għal €15-il miljun.

Sadanittant, Real Madrid qegħdin jitolbu €25 miljun filwaqt li Juventus għandhom lesti €22 miljun. Dan meta Real kienu akkwistaw lill-Brażiljan għal €32 miljun mingħand Porto.

Fl-istess waqt jidher li Juventus diġà għandhom qbil mal-plejer dwar kuntratt ta’ erba’ snin b’paga ta €4.5 miljuni fis-sena, li jistgħu jitilgħu sa €5 miljun meta wieħed iżid il-bonuses.

Sors: TuttoSport

Il-klabb qed jaħseb fi proġetti li jistgħu jagħtu prominenza nazzjonali lil dawk li jipparteċipaw fihom. Għalhekk, jekk tixtieq tappoġġja lill-klabb permezz ta’ sponsor, agħmel kuntatt magħna fuq info@juventusmalta.com.

Tixtieq tkun kontributur tas-sit juventusmalta.com u tibda tikteb l-artikli magħna? Agħmel kuntatt fuq admin@juventusmalta.com