F’konferenza tal-aħbarijiet lejlet il-partita kontra Crotone, il-kowċ ta’ Juventus Allegri sostna li f’eventwalità ta’ rebħa kontra Crotone, il-kampjonat ma jkunx magħluq allavolja Juventus ikunu b’seba’ punti vantaġġ.

“It-triq hija twila u baqa’ logħob diffiċli għat-tim tagħna u rridu nkunu kapaċi negħlbuhom biex inkunu nistgħu niċċelebraw ir-rebħ tas-sitt kampjonat konsekuttiv. Bħalissa qed inbatu biex nirbħu u m’iniex niċċajta, iva qed inbatu. Fil-lig Taljan 86 punt mhux biżżejjed biex tirbaħ il-kampjonat però rridu nieħdu logħba b’logħba kif dejjem għamilna.”

“Irridu ntejbu l-logħba tagħna. Fil-logħba tal-futbol mhijiex kwistjoni li għandek tmien difensuri u trid tiddefendi sew biex ma taqlax gowl. Trid tkun kapaċi tagħmel bilanċ fil-grawnd u tilgħab kollettivament filwaqt li tagħmel is-sagrifiċċji għat-tim.

F’kemm ili involut fil-futbol qatt ma rajt xi tim li jirbaħ il-kampjonat mingħajr ma jagħmel sagrifiċċji, jagħmel movimenti mingħajr ballun u jirsisti biex jirbaħ kull ballun. Forsi għal żewg logħbiet infila tagħmilha però biex tirbaħ kampjonat trid tagħmilha konsistentement.”

Sors: TuttoJuve