Il-captain tal-Blaugrana Andrés Iniesta ammetta l-fatt li Barcelona jridu jiskurjaw kmieni biex ikollhom it-tama li jistgħu javvanzaw kontra Juventus.

“Huwa imperattiv għalina li niskurjaw kemm jista’ jkun kmieni u minn hemm naraw x’inhuma l-possibiltajiet tagħna. Irridu nibqgħu kalmi u nkunu konxji li se nsofru, però rridu nieħdu ċ-ċansijiet li jiġuna u nisfruttawhom tajjeb. Fl-opinjoni tiegħi, m’hemmx mod ieħor li nistgħu naħdmu bih.”

“Ir-riżultat tal-ewwel leg huwa riżultat diffiċli għalina għaliex kif kulhadd ra b’għajnejh, l-affarijiet m’għamilniehomx sewwa. Riżultat bi tliet gowls vantaġġ huwa dejjem diffiċli biex idawru speċjalment kontra tim bħal Juventus.”

Sors: Tuttosport

Il-klabb qed jaħseb fi proġetti li jistgħu jagħtu prominenza nazzjonali lil dawk li jipparteċipaw fihom. Għalhekk, jekk tixtieq tappoġġja lill-klabb permezz ta’ sponsor, agħmel kuntatt magħna fuq info@juventusmalta.com.

Tixtieq tkun kontributur tas-sit juventusmalta.com u tibda tikteb l-artikli magħna? Agħmel kuntatt fuq admin@juventusmalta.com