Sky Sport Italia rrappurtat li l-plejer Emre Can u Juventus laħqu ftehim biex mill-1 ta’ Lulju li ġej l-internazzjonali Ġermaniż ikun uffiċjalment plejer ta’ Juventus.

Iż-żewġ naħat laħqu ftehim li l-plejer jiffirma kuntratt ta’ erba’ snin iżda jkollu l-għażla li jġeddu għal sena oħra u se jkollu l-paga ta’ €5 miljun fis-sena.

Fl-aħħar jiem anke Massimiliano Allegri ta indikazzjoni li l-plejer hu mixtieq minn Juventus, meta ddikjara li “l-kwalitajiet tiegħu jafhom kulħadd, għadu żgħir u jifforma parti minn midfield b’saħħtu bħalma hu dak tal-Ġermanja.

Juventus iridu li l-firma fuq il-kuntratt issir mill-iktar fis possibbli għaliex għalkemm hemm qbil, jibżgħu li jistgħu jidħlu għalih klabbs oħra.

Sors: Sky Sport Italia

Tixtieq li r-riklam tiegħek jidher fuq kull artiklu ta’ dan is-sit, kif ukoll fuq il-pjattaformi kollha tal-klabb? Tista’ tappoġġja lill-klabb permezz ta’ sponsor jew titlob iżjed informazzjoni billi tagħmel kuntatt magħna fuq info@juventusmalta.com.

Tixtieq tkun kontributur tas-sit juventusmalta.com u tibda tikteb l-artikli magħna? Agħmel kuntatt fuq admin@juventusmalta.com