Iċ-charmain tal-ġganti Ġermaniżi Bayern München Karl-Heinz Rummenigge tkellem dwar iċ-ċansijiet ta’ Juventus li javvanzaw kontra Barcelona u tkellem ukoll fuq l-istilla Arġentina Paulo Dybala fejn sostna li jixtieq iġib lil dan il-plejer mat-tim tiegħu.

“Fl-aħħar tliet snin timijiet Spanjoli rebħu l-Uefa Champions League però nemmen li din is-sena hija waħda mill-iktar kompetizzjonijiet diffiċli għax ma tista’ tbassar xejn. It-timijiet kollha kapaċi jgħollu t-tazza apparti, fl-opinjoni tiegħi, Leicester City. Huwa diffiċli biex tgħid min huwa l-favorit però Juventus huma wieħed mill-aħjar timijiet bħalissa. Iva, nemmen li Juventus kapaċi jeliminaw lil Barcelona.”

Rummenigge tkellem fuq ix-xewqa tiegħu li Dybala jmur ma’ Bayern għalkemm fi kliemu din hija ħaġa li diffiċli ssir realtà.

“Fit-timijiet ta’ Juventus u Barcelona hemm ħafna plejers tajbin. F’moħħi jiġi l-isem ta’ Paulo Dybala iżda biex takkwista plejers hekk trid toffri somom li xi kultant ikunu eseġerati.”

Sors: Corriere dello Sport

Il-klabb qed jaħseb fi proġetti li jistgħu jagħtu prominenza nazzjonali lil dawk li jipparteċipaw fihom. Għalhekk, jekk tixtieq tappoġġja lill-klabb permezz ta’ sponsor, agħmel kuntatt magħna fuq info@juventusmalta.com.

Tixtieq tkun kontributur tas-sit juventusmalta.com u tibda tikteb l-artikli magħna? Agħmel kuntatt fuq admin@juventusmalta.com