Wara r-rebħa ta’ nhar il-Ħadd li għadda kontra t-tim ta’ Cagliari, nhar il-Ġimgħa ġewwa l-Juventus Stadium, il-leaders tas-Serie A se jaffrontaw lit-tim Sqalli ta’ Palermo. F’dan l-artiklu se nosservaw xi fatti u figuri rigward l-avversarji u nsiru nafuhom aħjar.

-> Preżentement Juventus jinsabu fl-ewwel post tas-Serie A jiġġieldu biex iwettqu rekord ta’ 6 kampjonati mirbuħa infila filwaqt li t-tim ta’ Palermo jinsabu fit-tielet post mill-aħħar jiġġieldu biex jevitaw ir-relegazzjoni għas-Serie B.

-> Wara 24 logħba Juventus huma t-tieni l-iktar tim li skurja gowls b’49 gowl filwaqt li Palermo huma t-tieni l-inqas tim li skurjaw fejn sabu x-xibka 20 darba biss.

-> Juventus għandhom l-aqwa difiża preżentement fil-kampjonat fejn sofrew 16-il gowl u wettqu 12-il clean sheet filwaqt Palermo huma t-tielet l-iktar tim li sofrew gowls għat-total ta’ 45 gowl u kienu biss 2 logħbiet fejn ma sofrewx gowl. L-aħħar partita ta’ Juventus kienet barra minn darhom b’rebħa kontra Cagliari bl-iskor ta’ 0-2 filwaqt li Palermo f’darhom sfaw megħluba minn Atalanta bl-iskor ta’ 1-3.

-> Juventus f’dan l-istaġun huwa l-iktar tim li rebaħ partiti. Huma rebħu 20 partita minn total ta’ 24 iżda Palermo huma t-tieni l-inqas tim li rebaħ tliet punti fejn kienu tliet okkażjonijiet biss fejn ħarġu rebbieħa.

-> Statistika fuq iż-żewġ timijiet turi li l-iktar ħin popolari fejn Juventus iħobbu jiskurjaw huwa bejn is-60 u l-75 minuta fejn il-persentaġġ huwa ta’ 24.5% filwaqt li Palermo jħobbu jiskurjaw bejn il-75 minuta u d-90 minuta bil-persentaġġ ikun ta’ 25%.

-> L-ikbar rebħa ta’ Juventus f’dan l-istaġun kienet bl-iskor ta’ 4-0 f’darhom filwaqt li Palermo t-tliet rebħiet tagħhom kienu kollha bl-iskor ta’ 1-0.

-> L-aqwa skorer għal Juventus huwa l-Arġentin Gonzalo Higuaín bit-total ta’ 18-il gowl filwaqt li għal Palermo huwa l-attakkant Nestorovski b’total ta’ 9 gowls.

Il-klabb qed jaħseb fi proġetti li jistgħu jagħtu prominenza nazzjonali lil dawk li jipparteċipaw fihom. Għalhekk, jekk tixtieq tappoġġja lill-klabb permezz ta’ sponsor, agħmel kuntatt magħna fuq info@juventusmalta.com.

Tixtieq tkun kontributur tas-sit juventusmalta.com u tibda tikteb l-artikli magħna? Agħmel kuntatt fuq admin@juventusmalta.com