Id-difensur Leonardo Bonucci kellu l-faċċata tal-Gazzetta dello Sport iddedikata għalih biex isellem lil Juventus iżda ta’ min jinnota li naqas milli jispeċifika fuq Massimiliano Allegri. Id-dikjarazzjoni ta’ Bonucci tgħid hekk:

“Seba’ staġuni għadhom kemm għaddew; kienet storja mill-aqwa. Seba’ staġuni ta’ rebħ, ta’ ħolm li sar realtà; kienet mixja li kburi ngħid li għaddejt minnha. Is-sitt kampjonati kienu esperjenza u ntrebħu għaliex iġġilidna għal kull wieħed, iżda ovvjament jibqa’ d-dispjaċir li ma rbaħniex iċ-Champions League. Però kburi li kont parti minn din il-familja. F’kull logħba li lgħabt dejjem ipproduċejt l-aħjar li nista’ sal-aħħar sekondi, iżda fl-istess ħin irċivejt u tgħallimt.

“Illum il-ġurnata meta nħares lura u nara dak li akkwistajt ma’ Juventus, niġi għall-konklużjoni li l-miri ntlaħqu bir-rispett u d-dedikazzjoni. Inħossni kburi li esperjenzajt dan kollu ma’ dan il-klabb, mal-captain tagħna, ma’ sħabi l-plejers u mal-partitarji. Grazzi ta’ kollox, Juve!”

Sors: La Gazzetta dello Sport

Il-klabb qed jaħseb fi proġetti li jistgħu jagħtu prom1inenza nazzjonali lil dawk li jipparteċipaw fihom. Għalhekk, jekk tixtieq tappoġġja lill-klabb permezz ta’ sponsor, agħmel kuntatt magħna fuq info@juventusmalta.com.

Tixtieq tkun kontributur tas-sit juventusmalta.com u tibda tikteb l-artikli magħna? Agħmel kuntatt fuq admin@juventusmalta.com