L-aħbar li l-midfielder Federico Bernardeschi jista’ jħalli lil Fiorentina fl-immedjat biex jingħaqad ma’ Juventus xejn ma ntlaqgħet b’mod tajjeb mill-partitarji tal-Vjola.

Dan hekk kif, mal-kanċelli tal-grawnd ta’ Fiorentina, il-partitarji waħħlu strixxun bil-kliem: “Min ma jiħux gost jobżoqlok f’wiċċek … Bernardeschi gobbo di merda” jagħlaq b’offiża l-messaġġ tal-ultras li diġà qed iqisu lill-plejer bħala Juventin.

Hu uffiċjali li l-plejer qed jirrifjuta li jġedded il-kuntratt tiegħu, bid-destinazzjoni preferuta tkun Juventus. S’issa madankollu hemm nuqqas ta’ qbil bejn il-klabbs dwar il-plejer li se jiġi offrut minn Juventus bi bdil, apparti s-somma fi flus tat-trasferiment.

Sors: Gianluca Di Marzio/Facebook

Il-klabb qed jaħseb fi proġetti li jistgħu jagħtu prominenza nazzjonali lil dawk li jipparteċipaw fihom. Għalhekk, jekk tixtieq tappoġġja lill-klabb permezz ta’ sponsor, agħmel kuntatt magħna fuq info@juventusmalta.com.

Tixtieq tkun kontributur tas-sit juventusmalta.com u tibda tikteb l-artikli magħna? Agħmel kuntatt fuq admin@juventusmalta.com