Missier James Rodriguez, attwalment misluf lil Bayern München mingħand Real Madrid, ikkonferma li waslu diversi offerti għal ibnu.

Rodriguez ftit li xejn kien fortunat fil-Ġermanja. Hu sofra injury fil-ligaments u tilef parti sew mill-istaġun, bil-konsegwenza li skurja biss tliet gowls u aktarx li l-Ġermaniżi mhux se jeżerċitaw id-dritt li jixtruh għal €42 miljun.

Bi prezzu li naqas, Juventus qed isegwu lill-plejer u mhux eskluż li fost l-offerti hemm dik ta’ Juventus, anke fl-isfond ta’ kliem missieru, Wilson: “Minn kif qed nara lis-Serie A, nemmen li tkun deċiżjoni tajba. Hu u Ronaldo ħbieb. Għandu numru ta’ offerti.”

Għal James Rodriguez, li fil-passat lagħab ukoll ma’ Cristiano Ronaldo, ftit huma l-iskwadri Taljani li kapaċi jaffordjaw lill-midfielder Kolombjan ta’ 27 sena.

Sors: Sport Bild

Għandek bżonn biljetti biex titla’ tara lil Juventus? Bookings isiru fil-klabb, fil-ħinijiet tal-ftuħ, jew inkella tista’ tibgħat email fuq tickets@juventusmalta.com biex tikseb iktar informazzjoni. Biljetti jinbiegħu biss lill-membri, bis-sħubija tiswa’ €25, tibqa’ valida għal sena u saħansitra tista’ ssir onlajn billi tagħfas hawn: Issieħeb membru.

Tixtieq li r-riklam tiegħek jidher fuq kull artiklu ta’ dan is-sit, kif ukoll fuq il-pjattaformi kollha tal-klabb? Tista’ tappoġġja lill-klabb permezz ta’ sponsor jew titlob iżjed informazzjoni billi tagħmel kuntatt magħna fuq marketing@juventusmalta.com.

Tixtieq tkun kontributur tas-sit juventusmalta.com u tibda tikteb l-artikli magħna? Agħmel kuntatt fuq info@juventusmalta.com