Nhar l-Erbgħa ġewwa l-Estádio Do Dragão, Juventus se jkunu qed jirritornaw fl-azzjoni fil-Uefa Champions League fejn se jaffrontaw lil Porto, logħba valida mill-fażi tal-aħħar 16.
Wara li Juventus rebħu Grupp H, fil-polza telgħu biex jilagħbu kontra l-ġganti Portugiżi. L-aspettattivi għal Juventus f’dan l-istaġun fil-Uefa Champions League huma kbar u b’hekk se jkunu qed jibdew bħala favoriti li javvanzaw però żgur ma’ tistax tinjora lit-tim ta’ Porto. F’dan l-artiklu se nkunu qed nosservaw u niskopru kurżitajiet fuq iż-żewġ timijiet.
-> Juventus bħalissa jinsabu jokkupaw l-ewwel post fis-Serie A b’7 u 9 punti vantaġġ fuq l-eqreb rivali Roma u Napoli rispettivament filwaqt li Porto wara 22 logħba jinsabu fit-tieni post, punt biss taħt il-leaders Benfica.
-> Preżentement Juventus huma t-tielet l-iktar tim li skurja fis-Serie A bit-total ta’ 53 gowl filwaqt li Porto huma t-tieni l-iktar tim li skurja fil-Portugal bit-total ta’ 45 gowl, tlieta inqas minn Benfica.
-> Haġa simili bejn iż-żewġ timijiet hija li fil-kampjonat tagħhom għandhom l-aqwa difiża fejn sofrew l-inqas gowls. Wara 25 logħba Juventus sofrew 17-il gowl filwaqt li Porto wara 22 logħba sofrew biss 11-il gowl.
-> Juventus f’dan l-istaġun s’issa għamlu 12-il loghba fejn ma sofrewx gowl filwaqt li Porto għamlu 14-il logħba bi cleansheet.
-> Statistika bil-persentaġġi turi li Juventus huma rinomati li jiskurjaw bejn is-60 u l-75 minuta bil-persentaġġ ta’ 25.5% filwaqt li Porto jħobbu jiskurjaw bejn it-30 u l-45 minuta tal-ewwel taqsima bil-persentaġġ ikun ta’ 26.5%.
-> L-ikbar rebħa f’dan l-istaġun għal Juventus kienet ta’ 4-0 kontra t-tim ta’ Cagliari filwaqt li l-ikbar rebħa għal Porto kienet bl-istess skor identiku kontra Nacional.
-> L-aqwa skorer għat-tim Juventin huwa Gonzalo Higuaín b’total ta’ 19-il gowl filwaqt li għal Porto huwa André Silva bi 13-il gowl.
-> L-aħħar darba li dawn iż-żewġ timijiet lagħbu kontra xulxin kien fit-23 ta’ Ottubru tas-sena 2001 fejn Juventus rebħu bl-iskor ta’ 3-1 b’gowls ta’ Alessandro Del Piero, Paolo Montero u David Trezeguet.
Il-klabb qed jaħseb fi proġetti li jistgħu jagħtu prominenza nazzjonali lil dawk li jipparteċipaw fihom. Għalhekk, jekk tixtieq tappoġġja lill-klabb permezz ta’ sponsor, agħmel kuntatt magħna fuq info@juventusmalta.com.
Ħalli Kumment