Ramón Rodríguez Verdejo, magħruf aħjar sempliċiment bħala Monchi, mistenni jitħabbar bħala akkwist ġdid ta’ Roma hekk kif kemm id-Direttur Ġenerali Baldissoni kif ukoll id-Direttur Sportiv Massara ltaqgħu mad-Direttur Sportiv Franco Baldini.

Monchi hu eks goalkeeper u d-Direttur tal-Futbol ta’ Seville, li issa mistenni jokkupa din il-kariġa għal Roma. Hu magħruf għall-akkwisti li għamel matul il-karriera tiegħu, u li wasslu għal qligħ sostanzjali għall-klabbs li kien magħhom.

Hu maħsub li se jintlaħaq ftehim li jwassal biex Roma jakkwistaw lill-Ispanjol mingħajr il-bżonn li jħallsu l-klawżola reċissorja.

Sors: Giallorossi.net

Il-klabb qed jaħseb fi proġetti li jistgħu jagħtu prominenza nazzjonali lil dawk li jipparteċipaw fihom. Għalhekk, jekk tixtieq tappoġġja lill-klabb permezz ta’ sponsor, agħmel kuntatt magħna fuq info@juventusmalta.com.

Tixtieq tkun kontributur tas-sit juventusmalta.com u tibda tikteb l-artikli magħna? Agħmel kuntatt fuq admin@juventusmalta.com