Din il-ġimgħa kienet waħda storika għal Juventus għaliex kien imħabbar li l-Bianconeri issa se jkollhom ukoll it-tim tan-nisa. Immedjatament wara din l-aħbar, Rita Guarino ġiet maħtura bħala kowċ tal-istess tim. Guarino, li hija eks plejer tat-tim nazzjonali Taljan u eks kowċ tat-tim nazzjonali ta’ taħt is-17-il sena, żgur li se tkun t’għajnuna għall-plejers nisa li se jkunu parti minn dan it-tim.
Fl-ewwel intervista wara li nħatret bħala kowċ, fuq l-istazzjon uffiċjali ta’ Juventus Guarino sostniet li tinsab kburija li ġiet offruta din il-kariga u tinsab ħerqana biex taħdem f’dan il-proġett il-ġdid ta’ Juventus.
“Ninsab ferm kburija li ġejt fdata b’din il-kariga u b’dan il-proġett ta’ klabb importanti bħal Juventus. Huwa t’unur kbir li ninsab hawnhekk u ħerqana biex nibda naħdem.”
L-intervista kollha ma’ Guarino tista’ ssegwiha hawnhekk:
Sors: Juventus
Il-klabb qed jaħseb fi proġetti li jistgħu jagħtu prominenza nazzjonali lil dawk li jipparteċipaw fihom. Għalhekk, jekk tixtieq tappoġġja lill-klabb permezz ta’ sponsor, agħmel kuntatt magħna fuq info@juventusmalta.com.
Tixtieq tkun kontributur tas-sit juventusmalta.com u tibda tikteb l-artikli magħna? Agħmel kuntatt fuq admin@juventusmalta.com
