Għaliex għandek tissieħeb membru mal-JCMCB?

Sal-lum wieħed jista’ jħallas il-miżata annwali, bi prezz li jvarja skont l-età tal-individwu, biex b’hekk ikun eleġibbli għal diversi skontijiet, ikun jista’ jakkwista biljetti għal-logħob ta’ Juventus u jidħol b’xejn waqt il-logħob murija b’mod dirett fil-klabb.

Iżda l-Kumitat ħass li dan mhux biżżejjed u għalhekk introduċa dan li ġej:

• Tesserament mal-klabb issa hu validu għal tnax-il xahar u mhux iżjed sa tmiem l-istaġun. B’dan il-mod qed nevitaw li jkollna membri li jħallsu t-tesserament tagħhom għal żmien qasir. B’hekk kulħadd se jkun qiegħed jieħu l-istess valur għall-flus li jkun ħallas.
• Ikomplu d-diskussjoni ma’ diversi kumpaniji biex meta persuna tissieħeb tesserata mal-klabb jingħata lura roħs fuq prodotti u servizzi varji (discounts) li bħala tesserat ikun eleġibbli għalihom. Tista’ tara l-lista ta’ skontijiet li japplikaw billi tagħfas hawn.
• Qed isiru wkoll diskussjonijiet sabiex jinkisbu diversi vouchers bil-ħsieb li jibdew jittellgħu f’lotterija onlajn darba fix-xahar. Din il-lotterija ser tkun esklussiva għall-membri, se tkun b’xejn u mingħajr il-bżonn li persuna tixtri biljett.
• Minn dan l-istaġun ukoll se tibda tingħata l-ewwel prijorità lill-membri f’każ li l-Kumitat ikun ser jorganizza xi attività jew jilqa’ f’pajjiżna lil xi personalità mil-kamp Juventin. Fil-preżent kull attività simili dejjem kienet miftuħa b’mod immedjat għal kulħadd sakemm jintlaħaq il-limitu.

Kull min jissieħeb membru se jieħu immedjatament it-tessera tal-klabb, li tiġi pprintjata u tinġabar dak il-ħin setess fil-klabb, kif ukoll dawn il-benefiċċji. Fil-bidu ta’ kull staġun il-klabb se jibqa’ joħroġ tessera u rigal ġodda, bil-membri jirċevuhom meta jġeddu t-tessera matul is-sena.

Tixtieq tissieħeb membru? Agħfas hawn.