Ftit tal-ħin ilu ħareġ l-ewwel rapport tal-awtopsja li saret fuq il-ġisem bla ħajja tal-captain ta’ Fiorentina, Davide Astori, li l-Ħadd li għadda nstab mejjet fis-sodda tal-lukanda fejn kien flimkien mal-kumplament tal-iskwadra.

Waqt konferenza tal-aħbarijiet, ingħad li aktarx il-mewt tiegħu kienet waħda naturali, għaliex instab li waqt l-irqad, qalb Astori bdiet tnaqqas ftit ftit sakemm waqfet għalkollox b’dan iwassal għall-mewt tiegħu.

Issa mistenni li jsiru eżamijiet iktar dettaljati, li r-rizultat tagħhom għandu jkun magħruf fi żmien 60 jum, għalkemm il-ġisem tal-plejer internazzjonali tal-Italja inħeles u għadda għand il-familja.

Davide Astori issa se jkun espost sakemm il-Ħamis isir il-funeral. Sadattant kemm Fiorentina u l-eks klabb tiegħu Cagliari ddeċidew li jirtiraw in-numru 13 li kien jilgħab bih.

Tixtieq li r-riklam tiegħek jidher fuq kull artiklu ta’ dan is-sit, kif ukoll fuq il-pjattaformi kollha tal-klabb? Tista’ tappoġġja lill-klabb permezz ta’ sponsor jew titlob iżjed informazzjoni billi tagħmel kuntatt magħna fuq marketing@juventusmalta.com.

Tixtieq tkun kontributur tas-sit juventusmalta.com u tibda tikteb l-artikli magħna? Agħmel kuntatt fuq info@juventusmalta.com