Matul il-ġranet li għaddew, MLS żvelaw il-flokkijiet li t-tim tagħhom tal-All Stars se jkun qed jilbes għall-partita kontra Juventus li ser issir fl-1 t’Awwissu, ġewwa Atlanta.

Il-flokk huwa bbażat fuq disinji li diġà ntużaw fil-passat u fl-istess ħin b’irtokki moderni sabiex ikunu flokkijiet li jistgħu jintlibsu ġewwa l-istadiums iżda anke barra, fil-ħajja ta’ kuljum.

Il-flokkijiet se jkunu bojod b’ċirku ċentrali bil-kulur aħmar u disinji blu ġewwa. Se jkun qiegħed jinkludi wkoll l-arma tal-All-Stars u l-kliem “Club, Country, Community” fuq wara tal-flokk, li huma t-tema tal-MLS.

Barra minn hekk, se jkun hemm anke erba’ linji b’tali mod li jidhru qishom railroads li jirrappreżentaw l-istorja tat-trasport ġewwa Atlanta, mill-passat (il-kostruzzjoni tal-Western and Atlantic Railroad) għall-preżent (fejn Atlanta tgawdi minn reputazzjoni bħala waħda mill-iżjed bliet attivi fid-dinja).

Tixtieq li r-riklam tiegħek jidher fuq kull artiklu ta’ dan is-sit, kif ukoll fuq il-pjattaformi kollha tal-klabb? Tista’ tappoġġja lill-klabb permezz ta’ sponsor jew titlob iżjed informazzjoni billi tagħmel kuntatt magħna fuq marketing@juventusmalta.com.

Tixtieq tkun kontributur tas-sit juventusmalta.com u tibda tikteb l-artikli magħna? Agħmel kuntatt fuq info@juventusmalta.com