Kien il-plejer ta’ Napoli Hysaj li kellu logħba mill-aqwa. Kontra r-Rumanija, l-Albaniżi ħarġu rebbieħa bl-iskor ta’ 1-0 b’gowl ta’ Sadiku. Hysaj kellu logħob tajjeb ħafna u juri li hu plejer importanti ħafna għal Napoli.
Din ir-rebħa tħalli bit-tama lill-Albaniżi li jgħaddu mal-aħħar sittax hekk kif issa jistennew ir-riżultati tal-gruppi l-oħra. Fl-opinjoni tiegħi, l-Albanija, għalkemm tilfu darbtejn, xorta kienu organizzati ħafna u speċjalment fl-ewwel logħba kienu kemxejn sfortunati.
Euro 2016: Rumanija vs Albanija: Hysaj b’logħba mill-aqwa
About the Author: Kurt Clews
Kurt Clews għandu 22 sena u huwa student tal-Psikoloġija, fl-Università ta’ Malta. Sa minn età żgħira kien fanatiku tal-isport speċjalment tal-futbol Taljan u ’l quddiem il-passjoni tiegħu nfirxet għall-futbol Ewropew kif ukoll għall-futbol tal-Amerika t’Isfel. L-imħabba lejn Juventus bdiet meta beda jsegwi l-futbol mal-qraba Juventini tiegħu u wara Calciopoli, beda jsegwi l-Juventus mis-Serie B sal-ġurnata tal-lum.
Apparti l-isport, Kurt iħobb jaqra kotba tal-Istorja u Fantaxjenza. Lil Kurt jinteressawh ukoll il-politika u x-xjenza, speċjalment dik medika. Jgħaddi l-ħin liberu tiegħu jara xi film jew serje ta’ drammi, speċjalment serje tal-komiks.
Ħalli Kumment