Jingħad li Barcelona, li akkwistaw lil Paulinho u lil Seri, jikkunsidraw li jċedu b’self lill-midfielder André Gomes.
Juventus huma fost il-klabbs li huma interessati f’dan il-plejer, u akkwist b’self ikun ideali għaliex iħalli iżjed riżorsi x’jintefqu fuq plejers oħra li hemm bżonn fl-iskwadra ta’ Massimiliano Allegri.
Jidher li Barcelona qed jikkunsidraw is-self tal-plejer biex ma jkunux tilfu ammont sostanzjali ta’ flus mill-plejer li akkwistaw għal €30 miljun, u €20 miljun oħra f’bonuses.
Fl-2016 Juventus kienu segwew fit-tul lil dan il-plejer, li madankollu spiċċa mar jilgħab fi Spanja, mhux b’wisq suċċess.
Sors: Tuttosport
Il-klabb qed jaħseb fi proġetti li jistgħu jagħtu prominenza nazzjonali lil dawk li jipparteċipaw fihom. Għalhekk, jekk tixtieq tappoġġja lill-klabb permezz ta’ sponsor, agħmel kuntatt magħna fuq info@juventusmalta.com.
Tixtieq tkun kontributur tas-sit juventusmalta.com u tibda tikteb l-artikli magħna? Agħmel kuntatt fuq admin@juventusmalta.com