Juventus jidher li rnexxielhom jantiċipaw lill-konkorrenza u għamlu l-iktar offerta attraenti għat-talent promettenti Franċiż, Jean-Clair Todibo.

Id-difensur ta’ 18-il sena, sew jekk jagħżel lil Juventus jew lil ħaddieħor, se jiġi trasferit għal somma miżera meta mqabbel mal-potenzjal tiegħu.

Fil-fatt, għal plejer li matul dan l-istaġun diġà lagħab 10 logħbiet fil-Ligue 1 ma’ Toulouse, qed tissemma’ ċ-ċifra ta’ €4 miljun. Dan anke grazzi għall-fatt li l-plejer irrifjuta li jiffirma kuntratt professjonali mal-klabb Franċiż.

Jekk ikkonfermata, l-aħbar tkun tfisser li Juventus għelbu l-isfida ta’ Real Madrid, Real Madrid, Lyon, Liverpool, Bayern München, RB Leipzig kif ukoll it-Taljani Inter, Roma u Napoli.

Sors: Don Balón

Għandek bżonn biljetti biex titla’ tara lil Juventus? Bookings isiru fil-klabb, fil-ħinijiet tal-ftuħ, jew inkella tista’ tibgħat email fuq tickets@juventusmalta.com biex tikseb iktar informazzjoni. Biljetti jinbiegħu biss lill-membri, bis-sħubija tiswa’ €25, tibqa’ valida għal sena u saħansitra tista’ ssir onlajn billi tagħfas hawn: Issieħeb membru.

Tixtieq li r-riklam tiegħek jidher fuq kull artiklu ta’ dan is-sit, kif ukoll fuq il-pjattaformi kollha tal-klabb? Tista’ tappoġġja lill-klabb permezz ta’ sponsor jew titlob iżjed informazzjoni billi tagħmel kuntatt magħna fuq marketing@juventusmalta.com.

Tixtieq tkun kontributur tas-sit juventusmalta.com u tibda tikteb l-artikli magħna? Agħmel kuntatt fuq info@juventusmalta.com