Wieħed mill-iktar difensur promettenti fl-Ewropa, l-Olandiż Matthijs de Ligt, jinsab fil-mira ta’ Juventus, b’rapporti jindikaw li hu l-prijorità tal-klabb għas-sajf li ġej.

Il-plejer ta’ Ajax, li qed ikun fost l-aqwa għal Ajax fiċ-Champions League, hu rappreżentat mill-aġent Mino Raiola. Bejn l-aġent Taljan u Juventus hemm relazzjoni mill-aqwa, speċjalment wara t-trasferiment ta’ Paul Pogba lejn Manchester United.

Jingħad li Raiola u Fabio Paratici mistennija jiltaqgħu fil-futur qarib biex jitkellmu dwar dan it-trasferiment, bil-plejer li japprova, tant li riċentament iddikjara li hu onorat li Juventus qed isegwuh.

Madankollu l-prezz ta’ de Ligt mhux irħis, u jingħad li jilħaq il-€50 miljun, hekk kif hemm ukoll interess minn Barcelona u diversi klabbs Ingliżi.

Minkejja dan, id-difiża mistennija tkun prijorità għal Juventus hekk kif aktarx jinbiegħ il-plejer Medhi Benatia waqt li Andrea Barzagli mistenni jirtira.

Sors: Calciomercato

Il-klabb qed joffri numru limitat ta’ postijiet għal tours organizzati bi sħab bejn il-klabb u Britannia Tours, għal-logħob kontra Spal u Valencia. Dawk interessati mitluba jċemplu lil Britannia fuq 21245418 jew 21238039 inkella jagħmlu kuntatt b’email fuq sales@bsl.com.mt

Tixtieq issir membru tal-klabb? Is-sħubija tibqa’ valida għal sena u tista’ ssir onlajn billi tagħfas hawn: Issieħeb membru. Tista’ ssir ukoll personalment fil-klabb.

Tixtieq li r-riklam tiegħek jidher fuq kull artiklu ta’ dan is-sit, kif ukoll fuq il-pjattaformi kollha tal-klabb? Tista’ tappoġġja lill-klabb permezz ta’ sponsor jew titlob iżjed informazzjoni billi tagħmel kuntatt magħna fuq marketing@juventusmalta.com.

Tixtieq tkun kontributur tas-sit juventusmalta.com u tibda tikteb l-artikli magħna? Agħmel kuntatt fuq info@juventusmalta.com

dical-banner-1200×280