Minkejja li Gonzalo Higuaín ftit li xejn kellu suċċess ma’ Milan, jidher li qed jippersisti l-interess fil-plejer mingħand Maurizio Sarri.

Fil-fatt xnigħat jgħidu li matul il-ġimgħa d-dieħla, Chelsea aktarx iressqu offerta hekk kif “Sarri jinsab iddisprat minħabba nuqqas ta’ gowls.” Din id-dikjarazzjoni saret minn Alfredo Pedulla, ġurnalist li ddikjara wkoll li fid-dawl tan-nuqqas ta’ gowls ta’ Morata, l-akkwist ta’ attakkant saret prijorità għal Chelsea.”

Jidher ukoll li fl-aħħar jiem Chelsea għamlu tentattiv għal Edinson Cavani, iżda PSG mhux intenzjonati li jħalluh jitlaq. Fid-dawl ta’ dan, l-għażla waqgħet fuq l-Arġentin, bl-offerta aktarx tkun ta’ €36 miljun, daqskemm għandhom iħallsu Milan jekk jieħdu l-għażla li jagħmlu t-trasferiment wieħed permanenti fis-sajf.

Sors: Sportitalia

Għandek bżonn biljetti biex titla’ tara lil Juventus? Bookings isiru fil-klabb, fil-ħinijiet tal-ftuħ, jew inkella tista’ tibgħat email fuq tickets@juventusmalta.com biex tikseb iktar informazzjoni. Biljetti jinbiegħu biss lill-membri, bis-sħubija tiswa’ €25, tibqa’ valida għal sena u saħansitra tista’ ssir onlajn billi tagħfas hawn: Issieħeb membru.

Tixtieq li r-riklam tiegħek jidher fuq kull artiklu ta’ dan is-sit, kif ukoll fuq il-pjattaformi kollha tal-klabb? Tista’ tappoġġja lill-klabb permezz ta’ sponsor jew titlob iżjed informazzjoni billi tagħmel kuntatt magħna fuq marketing@juventusmalta.com.

Tixtieq tkun kontributur tas-sit juventusmalta.com u tibda tikteb l-artikli magħna? Agħmel kuntatt fuq info@juventusmalta.com