L-ewwel akkwist ta’ Fabio Paratici jista’ jkun l-attakkant ta’ Genoa Krzysztof Piątek.

Il-Pollakk, li għad għandu 23 sena, qed jinteressa lil lista twila ta’ klabbs wara l-bidu tal-istaġun mill-aqwa. Fost dawn hemm l-interess ta’ Real Madrid u Napoli.

Madankollu jirriżulta li Paratici ilu jsegwi lill-plejer u aġixxa qabel kull klabb ieħor, bit-tama li jakkwista lil dak li jitqies bħala l-eredi ta’ Mario Mandžukić, li matul l-istaġun li jmiss aktarx inaqqas sew fl-ammont ta’ logħob.

Mhux eskluż li l-mossa ta’ Paratici tkun ftehim għall-akkwist tal-plejer f’Jannar li ġej, iżda l-attakkant jibqa’ ma’ Genoa sa tmiem l-istaġun.

Sors: Calciomercato

Tixtieq issir membru tal-klabb? Is-sħubija tibqa’ valida għal sena u tista’ ssir onlajn billi tagħfas hawn: Issieħeb membru. Tista’ ssir ukoll personalment fil-klabb.

Tixtieq li r-riklam tiegħek jidher fuq kull artiklu ta’ dan is-sit, kif ukoll fuq il-pjattaformi kollha tal-klabb? Tista’ tappoġġja lill-klabb permezz ta’ sponsor jew titlob iżjed informazzjoni billi tagħmel kuntatt magħna fuq marketing@juventusmalta.com.

Tixtieq tkun kontributur tas-sit juventusmalta.com u tibda tikteb l-artikli magħna? Agħmel kuntatt fuq info@juventusmalta.com