Xutt mill-isbaħ ta’ Luka Modrić fl-ewwel taqsima tal-logħba kontra t-Turkija kien biżżejjed biex il-Kroazja jakkwistaw it-tliet punti fil-logħba inizjali tagħhom fl-EURO 2016.

– It-Turkija fallew milli jirbħu kull waħda mill-4 logħbiet inizjali f’fażi finali tal-EURO u kull waħda mil-logħbiet inizjali f’fażi finali ta’ turnew maġġuri (Tazza tad-Dinja tal-1954 u l-2002, u l-Euro 1996, 2000, 2008 u 2016).
– Bil-gowl ta’ Modrić, 4 mill-aħħar 8 gowls skurjati fl-EURO 2016 ġew minn xuttijiet minn barra l-kaxxa.
– Emre Mor, li għandu 18-il sena u 323 ġurnata, hu l-iżgħar plejer li lagħab fl-EURO fl-istorja tat-Turkija, u s-7 l-iżgħar fl-istorja tal-EURO.