L-istilla ta’ Juventus Paulo Dybala sostna li t-tim ta’ Juventus preżentement jinsab fil-livelli tal-Ispanjoli Barcelona u Real u daqs Bayern München. Dybala tkellem ukoll rigward ma’ min jippreferi jilgħab wara Porto.

“Hemm ċertu timijiet li żgur tkun trid tevita sal-aħħar. It-timijiet li waslu s’hawn kollha qegħdin biċ-ċans li jirbħu l-kompetizzjoni. Mill-bidu ta’ din il-kompetizzjoni konna fil-livell tal-aqwa timijiet.”

Paulo Dybala tkellem ukoll fuq iċ-ċansijiet ta’ Juventus li jgħollu t-tazza ġewwa Cardiff.

“Din hija t-tieni sena tiegħi ma’ Juventus u għad għandi 23 sena. Jekk nirbħu ċ-Champions League tkun xi ħaġa fantastika. Għandna tim magħqud ħafna li huwa bil-għatx li jirbaħ kollox. Fuq livell personali nixtieq inkun iktar deċiżiv fl-Ewropa bħal kif qed inkun fil-kampjonat.”

Sors: TuttoJuve

Il-klabb qed jaħseb fi proġetti li jistgħu jagħtu prominenza nazzjonali lil dawk li jipparteċipaw fihom. Għalhekk, jekk tixtieq tappoġġja lill-klabb permezz ta’ sponsor, agħmel kuntatt magħna fuq info@juventusmalta.com.

Tixtieq tkun kontributur tas-sit juventusmalta.com u tibda tikteb l-artikli magħna? Agħmel kuntatt fuq admin@juventusmalta.com