Il-midfielder ta’ Juventus Claudio Marchisio tkellem fuq il-polza li telgħet lil Juventus kontra Barcelona. Huwa sostna li ż-żewġ logħbiet li ġejjin se jkunu differenti ħafna mill-finali tal-2015 però Juventus huma lesti għal dan l-ostaklu li jmiss.

“Se jkunu żewġ logħbiet kompletament differenti mill-finali ta’ sentejn ilu. Se nkunu qed nilagħbu fuq żewġ logħbiet mhux fuq 90 minuta biss. Ma rridux naħsbu fuq li ħa nwettqu vendetta però rridu naħsbu u naħdmu kif ħa negħlbu lill-avversarji li jmissna biex inkomplu navvanzaw f’din il-kompetizzjoni.”

Marchisio tkellem ukoll dwar l-avversarji u fuq l-importanza tal-ewwel logħba fil-Juventus Stadium.

“Barcelona huwa tim li kapaċi jwettaq affarijiet kbar kif eżattament rajna kontra PSG. Żgur li jixtiequ kif nixtiequ aħna li jaslu sal-finali ġewwa Cardiff però f’din il-kompetizzjoni biex tasal sal-aħħar trid taffronta lil min issib quddiemek. L-ewwel logħba se tintlagħab ġewwa l-Juventus Stadium u rridu nippruvaw nieħdu vantaġġ minn dan il-punt.”

Sors: TuttoJuve

Il-klabb qed jaħseb fi proġetti li jistgħu jagħtu prominenza nazzjonali lil dawk li jipparteċipaw fihom. Għalhekk, jekk tixtieq tappoġġja lill-klabb permezz ta’ sponsor, agħmel kuntatt magħna fuq info@juventusmalta.com.

Tixtieq tkun kontributur tas-sit juventusmalta.com u tibda tikteb l-artikli magħna? Agħmel kuntatt fuq admin@juventusmalta.com