Wara li kiser rekord ieħor mat-tim ta’ Juventus, Gianluigi Buffon esprima l-opinjoni tiegħu fuq il-Uefa Champions League u x’effett għandha fuq l-istess plejer. Huwa sostna li r-rebħ ta’ din il-kompetizzjoni hija l-iktar ħaġa li timmotivah.

“Li ninsabu mal-aħħar tmienja ta’ din il-kompetizzjoni juri l-avvanzi li għamel dan it-tim fl-aħħar snin. L-ostaklu li jmiss jismu Barcelona però aħna fiduċjużi li nistgħu navvanzaw. F’dawn l-aħħar snin skoprejt x’inhi dik il-haġa li timmotivani l-iktar u din hija r-rebħ tal-iktar kompetizzjoni prestiġġjuża fl-Ewropa, il-Uefa Champions League. Nixtieq li qabel nirtira ngħolli din it-tazza.”

Sors: Kicker Magazine

Il-klabb qed jaħseb fi proġetti li jistgħu jagħtu prominenza nazzjonali lil dawk li jipparteċipaw fihom. Għalhekk, jekk tixtieq tappoġġja lill-klabb permezz ta’ sponsor, agħmel kuntatt magħna fuq info@juventusmalta.com.

Tixtieq tkun kontributur tas-sit juventusmalta.com u tibda tikteb l-artikli magħna? Agħmel kuntatt fuq admin@juventusmalta.com