In-numru wieħed u l-leġġenda Juventina Gianluigi Buffon tkellem f’intervista għal Sky Italia rigward it-tragward li laħaq fil-partita kontra Sampdoria u rigward il-futur tiegħu minħabba li qed joqrob lejn it-tmiem tal-karriera tiegħu.

Fil-partita kontra Sampdoria, Buffon sar l-iktar plejer li lagħab minuti bil-flokk iswed u abjad. Huwa tela’ għat-total ta’ 39,711-il minuta fejn qabeż ukoll lil Giampiero Boniperti.

“Inħossni kburi li kelli ċ-ċans u l-privileġġ li nilbes il-flokk ta’ Juventus u nixtieq li nibqa’ nilbsu fiż-żmien li ġej. Fuq il-futur tiegħi ma nistax nitkellem issa pero’ li hu żgur huwa li għandi objettivi li huma ppjanati għal żmien li ġej u ninsab ħerqan li l-ambizzjonijiet tieghi jitwettqu.”

Sors: Sky Sports Italia

Il-klabb qed jaħseb fi proġetti li jistgħu jagħtu prominenza nazzjonali lil dawk li jipparteċipaw fihom. Għalhekk, jekk tixtieq tappoġġja lill-klabb permezz ta’ sponsor, agħmel kuntatt magħna fuq info@juventusmalta.com.

Tixtieq tkun kontributur tas-sit juventusmalta.com u tibda tikteb l-artikli magħna? Agħmel kuntatt fuq admin@juventusmalta.com