Il-plejer Kolombjan ta’ Juventus Juan Cuadrado tkellem fuq il-partita mistennija kontra Barcelona ta’ nhar it-Tlieta li ġejjin. Huwa sostna li Juventus għandhom il-materjal meħtieġ biex jeliminaw lil Barcelona.

“Irridu niffukaw biss fuqna nfusna u qed nippreparaw biex inkunu fl-aqwa forma u nagħtu l-105%. Se tkun logħba sabiħa u li tieħu gost tagħmel parti minnha. Preżentement ninsabu b’moral għoli ħafna u ninsabu ħerqana biex nilagħbu quddiem il-partitarji tagħna.”

“Irridu nilagħbu kollettivament, irridu nilagħbu tajjeb kemm fid-difiża kif ukoll fl-attakk għaliex din hija logħba daqs finali. Jien nemmen u ninsab kunfidenti fiċ-ċansijiet tagħna. Għandna tim tajjeb ħafna u għandna l-materjal kollu biex navvanzaw għas-semifinali.”

Sors: Mediaset Premium