Wara l-partita kontra Barcelona, Gianluigi Buffon kellu kliem ta’ tifħir lejn il-kowċ tal-Bianconeri Massimiliano Allegri fejn fl-opinjoni tiegħu, hija bis-saħħa tal-mentalità rebbieħa tiegħu li Juventus kisbu r-riżultat ta’ 3-0 kontra Barcelona. Buffon sostna wkoll li Allegri trasforma lil dan it-tim speċjalment fl-Ewropa.

“Meta tilgħab kontra avversarji bħal dawn, l-unika għażla li għandek hija li tipprepara bl-aqwa mod possibbli, inkella diffiċli li terbaħ. Il-kowċ tagħna studja sew il-logħba u tana l-aħjar struzzjonijiet biex naffaċjaw lil Barcelona. Interpretajna l-logħba b’umiltà kbira, lgħabna kolletivament u ridna nagħtu risposta li Juventus qegħdin hemmhekk ukoll lesti biex jerbħu. Meta tqabbel lil Juventus ma’ timijiet oħra, il-Juve jridu jaħdmu iktar biex jakkwistaw is-suċċess, peroò meta jaslu r-riżultati, is-sodisfazzjon ikun ikbar.”

Wara t-telfa ġewwa Firenze, Allegri biddel is-sistema għal 4-2-3-1 u trasforma lit-tim għal kollox. Fi kliem Buffon, din it-trasformazzjoni kienet it-turning point ta’ dan l-istaġun.

“Ma naħsibx li dan it-tim ta’ Juventus jixbah lil xi tim ieħor ta’ Juventus li lgħabt fih jien speċjalment fejn titħol tattika. Dawn ir-riżultati pożittivi huma l-frott tat-trasformazzjoni li għamel Allegri u grazzi wkoll għall-mentalità rebbieħa li daħħal fit-tim l-istess kowċ.”

Sors: TuttoJuve

Il-klabb qed jaħseb fi proġetti li jistgħu jagħtu prominenza nazzjonali lil dawk li jipparteċipaw fihom. Għalhekk, jekk tixtieq tappoġġja lill-klabb permezz ta’ sponsor, agħmel kuntatt magħna fuq info@juventusmalta.com.

Tixtieq tkun kontributur tas-sit juventusmalta.com u tibda tikteb l-artikli magħna? Agħmel kuntatt fuq admin@juventusmalta.com