Luiz Adriano u Douglas Costa, żewġ Brażiljani li qattgħu ħames snin flimkien ma’ Shakhtar Donetsk. Kien propju hemmhekk fejn ħadu l-isem, u dwar dan, speċifikament dwar il-karatteristiċi ta’ Douglas Costa, tkellem l-eks attakkant ta’ Milan.

“Douglas Costa sejjer ma’ Juventus? Sinċerament ma’ kellix ċans nitkellem miegħu fuq hekk. Emmnuni, huwa plejer speċjali: veloċi immens u għandu dribbling u xutt minn barra l-kaxxa straordinarji. Ma nistax niftakar l-assists kollha li tani, kienu wisq … ”

Adriano kompla hekk: “Jekk jeħduh Juventus it-tim kollu se jiggwadanja għax huwa plejer komplut u fil-pożizzjoni tiegħu kapaċi jagħmel id-differenza. Apparti minn hekk huwa wkoll bniedem ferrieħi.”

Sors: gianlucadimarzio.com

Il-klabb qed jaħseb fi proġetti li jistgħu jagħtu prominenza nazzjonali lil dawk li jipparteċipaw fihom. Għalhekk, jekk tixtieq tappoġġja lill-klabb permezz ta’ sponsor, agħmel kuntatt magħna fuq info@juventusmalta.com.

Tixtieq tkun kontributur tas-sit juventusmalta.com u tibda tikteb l-artikli magħna? Agħmel kuntatt fuq admin@juventusmalta.com