Kif spiċċa l-konfront bejn Juventus u Lazio, id-difensur Leonardo Bonucci mar quddiem is-supporters ta’ Lazio biex jirringrazzjahom talli bdew ikantaw isem ibnu Matteo u bdew jawgurawlu fejqan ta’ malajr u saħħa wara l-marda kerha li kienet ħakmitu.

F’post fuq Instagram Bonucci sostna hekk: “Grazzi lis-supporters ta’ Lazio għall-kant li kantaw fl-aħħar, rispett u unur lilkom.”

Tkellem ukoll fuq ir-rebħa kontra Lazio fejn qal: “Din hija l-qalb kbira u l-għaqda fit-tim Juventin. Ma jimpurtax kif u min, l-importanti hu l-attitudni tagħna fil-pitch, li nilagħbu kolletivament bħala 11 il-plejer fil-grawnd. Nilagħbu bi spirtu ta’ gwerra, sagrifiċċju u li niġġieldu għal xulxin. Din hija t-triq tagħna, issa rridu nħarsu biss ‘l quddiem”.

Sors: TuttoJuve